Përfaqësursi i Lëvizjes për Demokraci ju ka drejtuar qytetarëve për veprimet e paligjshme të Kompanisë Prishtina Parking raporton Metropol Magazine. 

Postimi i plotë:

Të nderuar qytetar Lëvizja për Demokraci me shqetësim të thellë i ka përcjellë pa kënaqësitë e qytetareve lidhje me dënimin dhe konfiskimin e veturave nga Prishtina Parking e cila është duke vepruar në kundërshtim të plotë me ligjin.

Në bazë të kërkesës zyrtare ne si përfaqësues të organizatës Lëvizja për Demokraci, kemi kërkuar nga Prishtina Parking me cilin ligj dhe nen i dënoni qytetarët, ata janë përgjigjur që funksionojnë në bazë të nenit 5 dhe 7 të ligjit mbi rregullat e trafikut rrugor, që ky ligj nuk ja cakton Prishtina Parkingut dënimet dhe konfiskimet e veturave, në parkingje, për veç nëse ato pengojnë komunikacionin ose zhvillimin e bizneseve si dhe parkingu që është i rregulluar me orë dhe këto dënime shqiptohen në bazë të ligjit në fuqi, nga Policia e Kosovës, nëse i ke thyer rregullat e Nenin 4. Ku nenin katër askund nuk e përmend konfiskimin e veturave në vende ku nuk pengohet komunikacioni, bizneset ose vendet e parkingut që nuk janë të shënuara me orë!

Neni 5 :

Neni 5 Mbikëqyrja dhe zhvendosja e mjeteve

Mbikëqyrjen dhe zhvendosjen e mjeteve të cilat janë parkuar në kundërshtim me dispozitat e këtij ligji për parkimin, e kryen Policia. Mbikëqyrjen dhe zhvendosjen e mjeteve mund ta kryejnë edhe persona të autorizuar të Komunës, me kërkesë dhe me pëlqim të Policisë ...(Me pëlqim te policisë) ku i ke thyer rregullat e nenit 4) jo dënim 20 euro .

Neni 7:

Neni 7 Mbikëqyrja e kohëzgjatjes së parkimit

Mbikëqyrjen e parkimit të mjeteve në vendet në të cilën është e kufizuar kohëzgjatja, e kryejnë përfaqësuesit e autorizuar nga Komuna....(ku është konfiskimi dhe dënimi 20 euro)

Ne si organizatë Prishtina Parkingut do ta dërgojmë edhe në Gjykatë Kushtetuese dhe do të kërkojmë që çdo qytetarit t’ja rikthejnë parat e dënimeve në mënyrë të paligjshme!

Të bashkangjitur e gjeni ligji:

Neni 4

Rregullimi teknik i trafikut

1. Ministria apo Komuna, në bashkëpunim me Policinë e Kosovës (në tekstin e mëtejmë Policia)

dhe në konsultim me komunitetin, bëjnë rregullimin teknik të trafikutnëpër rrugët publike nën administrimin përkatës të tyre.

2. Rregullimi teknik i trafikut i përfshin të gjitha masat dhe aktivitetet që merren për të ofruar qarkullim të sigurt në trafikun rrugor, e të cilat përfshijnë:

2.1. rrugën me përparësi kalimi;

2.2. trafikun me një përkatësisht me dy drejtime;

2.3. mbylljen e rrugës ose një pjese të rrugës për qarkullim të mjeteve, me kohë të caktuar ose të pacaktuar;

2.4. sistemin teknik të rregullimit të trafikut;

2.5. kufizimin e shpejtësisë së lëvizjes;

2.6. lëvizjen e këmbësorëve, të biçikletave, të mopedëve, të qerreve, grahjen dhe tërheqjen e kafshëve;

2.7. hapësirën dhe mënyrën e parkimit, zonën e trafikut të qetë, zonën e shkollës, zonën e kufizimit të shpejtësisë, pajisjet teknike për ngadalësim të shpejtësisë;

2.8. bllokimin e autobusëve, të mjeteve transportuese, të mjeteve të bashkëngjitura dhe makinave të punës në vende të cilat nuk janë të paracaktuara për parkim, si dhe mënyrën e zhbllokimit;

2.9. vendosjen dhe mirëmbajtjen e rrethojës mbrojtëse për këmbësorë në vende të rrezikshme;

2.10. zonën e këmbësorëve, drejtimet e sigurta për lëvizje të fëmijëve shkollorë, masat e veçanta teknike për siguri të këmbësorëve dhe biçiklistëve në afërsi të institucioneve mësimore, shëndetësore dhe institucioneve të tjera, të fushave sportive, të çerdheve të fëmijëve, të kinemave e të ngjashme;

2.11. largimin e automjeteve të vjetruara, të dëmtuara, të paregjistruara ose të braktisura;

2.12. largimin e automjeteve për qëllim biznesi që pengojnë mbarëvajtjen e trafikut, si shitblerjen në vende publike, rrugë dhe trotuar;

2.13. hapësirat në të cilat kryhen testime të drejtimit të mjetit rrugor, drejtimi në terren, drejtimi jashtë rrugës, garat sportive dhe të ngjashme;

2.14. kushtet e lëvizjes së mjeteve për furnizim në zonat e trafikut të qetë dhe në zonat e këmbësorëve;

Neni 5

Mbikëqyrja dhe zhvendosja e mjeteve

Mbikëqyrjen dhe zhvendosjen e mjeteve të cilat janë parkuar në kundërshtim me dispozitat e këtij ligji për parkimin, e kryen Policia. Mbikëqyrjen dhe zhvendosjen e mjeteve mund ta kryejnë edhe persona të autorizuar të Komunës, me kërkesë dhe me pëlqim të Policisë.

Neni 7

Mbikëqyrja e kohëzgjatjes së parkimit

Mbikëqyrjen e parkimit të mjeteve në vendet në të cilën është e kufizuar kohëzgjatja, e kryejnë përfaqësuesit e autorizuar nga Komuna.

Metropol Magazine