Një person është arrestuar nën dyshimet për vjedhje të rëndë sot rreth orës 10:00 në fshatin Llanishtë të komunës së Shtimes.
Rastin e ka konfirmuar Policia e Kosovës përmes një njoftimi, ku thuhet se 21-vjeçari i arrestuar dyshohet se ka vjedhur shtyllat e drurit të kulmit të shkollës ‘Bajram Curri’ e cila aktualisht është jofunksionale.
“Pas një pune intensive hetimore të policëve hetues, grumbullimit të informacioneve në terren, intervistave të dëshmitarëve, kanë arritur që të identifikojnë personin dhe vendin e ndodhjes së tij dhe sot , datë 18.03.2022 rreth orës 09:45 kanë arritur të arrestojnë personin e dyshuar me inicialet F.R (M/K) i moshës 21 vjeçar, i cili dyshohet se ka kryer vjedhje të rëndë në shkollën ‘’Bajram Curri’’( aktualisht jofunksionale) në fshatin Llanishtë të Shtimes duke i vjedhur disa shtylla druri të kulmit të kësaj shkolle”, thuhet në njoftim.
I dyshuari është shoqëruar në stacionin policor në Shtime dhe me vendim të prokurorit pas intervistimit është liruar për procedura të mëtejme hetimore.
