Policia e Zvicrës ka gjetur të vrarë në 35-vjeçare shqiptare nga Kosova. Ngjarja e rëndë ka ndodhur mëngjesin e së shtunë në orë 03.20 në Rapperswil-Jona SG.
Ka qenë një 35-vjeçar nga Kosova, i cili ka telefonuar policinë dhe u ka treguar se kishte qëlluar bashkëshorten e tij dhe ajo ishte rëndë.
Patrulla e policisë ka gjetur dhe ka arrestuar autorin. Gruaja (35-vjeçare), u gjet e vdekur kur policia mbërriti në vendin e ngjarjes, raporton BotaSot.
Ecurinë e saktë të ngjarjes dhe motivin po e sqaron policia e kantonit St. Gallen, nën drejtimin e prokurorisë publike të kantonit.
Në momentin e krimit në banesë ndodheshin edhe tre fëmijë, që jetonin në të njëjtën familje. Mbetet objekt i sqarimeve, nëse fëmijët kanë vënë re diçka nga krimi. Fëmijët nuk kanë pësuar lëndime dhe po përkujdeseshin nga familjarët.
Ndërkohë, banorët e ndërtesës ku ndodhi krimi janë të shokuar. “Këtu jetojnë kaq shumë familje me fëmijë. Nuk do ta kisha menduar kurrë që diçka e tillë mund të ndodhte këtu”, thotë një banore, e cila shton: “Është një tronditje e vërtetë për të gjithë ne”.
Policia nuk ka dhënë asnjë informacion për armën e përdorur. Një armë zjarri nuk ishte e përfshirë, tha një zëdhënës i policisë kur u pyet nga Keystone-SDA.
