Bashkimi Evropian do të vendosë për sanksionet kundër Rusisë sot pasdite. Kështu ka deklaruar Përfaqësuesi i Lartë për Poitikë të Jashtme i Bashkimit Evropian, Joseph Borrell.
Borrell tha se ai ka bërë thirrje për një takim urgjent jozyrtar të ministrave të jashtëm të Bashkimit Evropian këtë pasdite për të diskutuar përgjigjen evropiane ndaj urdhërimit të presidentit rus Vladimir Putin.
Kjo, pas dërgimit të trupave ruse në dy rajone separatiste pro-Moskë në Ukrainën lindore, pasi njohu pavarësinë e tyre të hënën.
“Natyrisht që kjo përgjigje do të marrë formën e sanksioneve,” dhe se “ne duhet të veprojmë shpejt, dhe kjo do të thotë sot pasdite” tha kryediplomati europian.
“Unë nuk do të thosha se ky është një pushtim i plotë, por trupat ruse janë në tokën ukrainase,” shtoi ai.
Ndërkaq, sekretari i Mbretërinë e Bashkuar, ka deklaruar se Rusia ka dërguar tashmë tanke dhe trupa në Ukrainë duke sinjalizuar një pushtim.
“Kemi parë se ai i ka njohur këto rajone lindore të shkëputura në Ukrainë dhe tashmë mund të themi se ai është dërguar me tanke dhe trupa, kështu që mendoj se nga kjo mund të konkludoni se pushtimi i Ukrainës ka filluar,” ka thënë britaniku Sajid Javid.
