Një çift shqiptar me banim në Norvegji ka rënë në prangat e policisë italiane pasi rrëmbyen dhe morën peng djalin e tyre 11 vjeçar.
Për prindërit me origjinë shqiptare ishte lëshuar një urdhër arresti nga vendi skandinav sepse rrëmbyen djalin e tyre, kujdestarinë e të cilit nuk e kishin më. Atyre iu hoq kujdestaria e djalit se e keqtrajtonin.
Djali i vogël ishte marrë nga prindërit e tij dhe ishte besuar në një komunitet në Oslo, më 14 shkurt.
49-vjeçari dhe gruaja e tij 43-vjeçare morën fëmijën dhe u nisën me makinë në Padova, ku ishin fshehur nga disa bashkatdhetarë.
Policia italiane i pikasi ata duke gjurmuar makinën e arratisjes. Të dy u dërguan në burg, ndërsa fëmija u dërgua në një ambient për të mitur në Padova, në pritje të ekstradimit.
