Shqiptarja që humbi jetën pasditen e djeshme në Treviso të Italisë pasi u përfshi në një aksident automobilistik është Edlira Aliçka.
55-vjeçarja po udhëtonte me makinën e saj tip “Mercedez A-Class” kur papritur në rrethana ende të paqarta u përplas me një Audi A6, ku për pasojë të dyja mjetet përfunduan në fushën poshtë rrugës.
Të dyja makinat udhëtonin nga Sernaglia në drejtim të Coneglianos, ndërsa ngjarja e rëndë u shënua vetëm pas minuta pasi Edlira kishte mbushur me karburant automjetin.
Trupi i pajetë i saj mbeti i bllokuar pasi makina u përmbys dhe u desh ndërhyrja e zjarrfikëses. Pas 2 orësh u bë e mundur nxjerrja e trupit.
Rruga provinciale 34, në zonën ku ndodhi aksidenti u shpall e pakalueshme për qarkullimin e mjeteve, si pasojë e shumë aksidenteve tjera të mëparshme po në këtë zonë. Të gjitha makinat që kalonin më parë në atë zonë, tani do të kalojnë në rrugët fqinje./noa.al
