Orë ankthi për një fëmijë që ngeci aksidentalisht në një pus uji dhe po bëhen shumë përpjekje për ta nxjerrë të gjallë, disa ditë pasi një tjetër fëmijë vdiq pas 5 ditë mundimi për ta shpëtuar.
Po ndodh në Afganistan, ku një djalë 9-vjeçar ka mbetur i bllokuar në një pus 25 metra të thellë që nga e marta. Kanë kaluat më shumë se 48 orë dhe ende nuk po nxirret dot i vogli.
Aktualisht është e paqartë se si Hajdari i vogël ra në pusin e thatë në fshatin Shokhak, në provincën juglindore të Zabulit.
Pamjet video të bëra nga një kamerë e ulur në gropën e thellë 25 metra tregojnë djalin të ulur në fund të gropës. Ai mund të lëvizë krahët dhe pjesën e sipërme të trupit.
Në një video, djali qan dhe rënkon, kirde në një tjetër dëgjohet duke folur me të atin. “Hajdar, fol me mua. Ne po përpiqemi të të nxjerrim jashtë. A je mirë, biri im? Fol me mua dhe mos qaj, po punojmë të të nxjerrim jashtë”, thotë babai. "Mirë, do të vazhdoj të flas," përgjigjet djali me një zë të shuar.
Operacioni për të nxjerrë djalin nga pusi aktualisht është në vazhdim. "Një ekip është i pranishëm me një ambulancë, oksigjen dhe materiale të tjera të nevojshme për të shpëtuar fëmijën," tha Abdullah Azzam, sekretari i zëvendëskryeministrit Abdul Ghani Baradar. “Shëndeti i tij është i mirë, kërkon vetëm ushqim dhe ujë ndonjëherë”. Eskavatorët po hapin llogore të mëdha në tokë në përpjekje për të hyrë në pus.
