Deputetët e opozitës kanë braktisur sallën e Kuvendit, derisa kryeministri i Kosovës, Albin Kurti ishte duke mbajtur fjalim për përvjetorin e 14 të shpalljes së pavarësisë.
Deputetët e Lidhjes Demokratike të Kosovës, Aleancës për Ardhmërinë e Kosovës dhe ata të Partisë Demokratike të Kosovës, u treguan të padurueshëm në seancën solemne, ku u larguan nga salla ende pa përfunduar fjalimi i Kurtit.
Fjalimi i Kurtit lidhur me qeverisjen e Kosovës nxiti deputetët që të largohen nga salla.
Seanca solemne e Kuvendit të Kosovës ka filluar pas orës 11:00.
