Kosova sot mbush 14 vjet pavarësi. Gjatë kësaj kohe, shteti ka arritur shumë e kjo u konfirmua edhe nga ambasadori amerikan në Kosovë, Jeff Hovenier, i cili tha se vendi është zhvilluar jashtëzakonisht tepër.
Për vite radhazi, Dita e Pavarësisë është zhvilluar me aktivitete të ndryshme, derisa Kosova merr urime nga krerët e shteteve më të rëndësishme të botës, përcjell Demokracia.com.
Me rastin e Ditës së Pavarësisë, më poshtë u sjellim disa fakte rreth 17 shkurtit 2008:
1. Pavarësia e Kosovës është shpallur me datën 17 shkurt 2008, në orën 15:39 minuta.
2. Dizajnues i flamurit dhe i stemës së Kosovës: Muhamer Ibrahimi.
3. Të parët që nënshkruan deklaratën e pavarësisë së Kosovës, ishin: presidenti Fatmir Sejdiu, kryetari i kuvendit, Jakup Krasniqi, si dhe kryeministri i vendit, Hashim Thaçi.
4. Shtetet e para që njohën Kosovën si shtet pas shpalljes së pavarësisë ishin: Kosta Rika, SHBA, Franca, Afganistani, Shqipëria, Turqia, Britania e Madhe etj.
5. Pergamena e vjetër 200 vjeçare në të cilën është nënshkruar deklarata e pavarësisë së Kosovës, gjendet në zyrën e kryetarit të Kuvendit.
6. Përveç pergamenës, aty gjenden edhe lapsi me të cilin vënë nënshkrimet, listat e nënshkrimeve të deputetëve pjesmarrës ë seancë, si dhe flamuri i vendosur në seancën e shpalljes së pavarësisë.
7. Muzeu i Londrës ishte ai që ia fali Kosovës pergamenën për shpalljen e pavarësisë.
8. Flamujt e parë të Republikës së Kosovës ishin shtypur në Turqi.
9. Himni i Kosovës, i kompozuar nga kompozitori Mendi Mengjiqi, për herë të parë ishte intonuar në seancën e shpalljes së pavarësisë së Kosovës.
10. Yjet e bardhë në flamurin e Kosovës simbolizojnë komunitetet e ndryshme që jetojnë në Kosovë, harta e verdhë simbolizon pasurinë e Kosovës, ndërsa ngjyyra e kaltër simbolizon Evropën./Demokracia.com/
