Federata Ndërkombëtare e Gazetarëve dhe Federata Evropiane e Gazetarëve kanë dënuar gjuhën që Zotëria i Parë, Prindon Sadriu, ka përdorur kundër gazetarëve të Kosovës, duke i quajtur si “ ndërmarrje e përbashkët kriminale”.
Nga IFJ thonë se komentet e burrit të presidentes Osmani drejtuar gazetarëve dhe mediave janë thellësisht të papërshtatshme, derisa theksojnë se liria e shprehjes është një komponent themelor i demokracisë.
“Ne i dënojmë komentet e Zotërisë së Parë Prindon Sadriu ndaj organeve të shtypit duke i cilësuar si “ndërmarrje të përbashkët kriminale” si thellësisht të papërshtatshme. Liria e shprehjes është një komponent themelor i çdo demokracie”, thuhet në reagimin e IFJ.
Edhe nga Federata Evropiane e Gazetarëve kanë dënuar gjuhën e Sadriut drejt mediave, duke i kërkuar që t’i ndalë sulmet konstate ndaj gazetarëve.
Kosovo: the European Federation of Journalists @EFJEUROPE calls on @PrindonSadriu to stop his constant attacks on journalists.@AGK_AJK @IFJGlobal #Kosovo #Trumpism https://t.co/mSIbUqKf8U
— Ricardo Gutiérrez (@Molenews1) February 10, 2022
