Drejtori i të ashtuquajturës Zyra për Kosovën në qeverinë e Serbisë, Petar Petkoviq, e ka ngritur çështjen e restaurimit të shtëpisë së Xhafer Devës edhe në takimin që ka pasur dje me ambasadorin rus në Beograd, Aleksandar Kharchenko, raporton Gazeta Express.
Petkoviq që zhvillon takime të rregullta me diplomatin nga Moska e ka informuar këtë të fundit për vendimin që shtëpia e politikanit shqiptar të luftës së dytë botërore të restaurohet diku e quajtur si “provokim të Prishtinës”.
Petkoviq dhe Kharchenko u shprehën të pajtimit që Serbia dhe Rusia do të vazhdojnë të bashkëpunojnë ngushtë kur vie puna te tema e Kosovës në forumet ndërkombëtare.
Ministria e Kulturës ka marrë vendim që të restaurohet shtëpia e Xhafer Devës në Mitrovicën e Jugut, teksa kundër ka dalë ambasadori gjerman në Prishtinë, Jorn Rhode duke kritikuar vendimin pasi sipas tij Deva ka qenë bashkëpunëtor i nazistëve në luftën e dytë botërore.
