Ministrja e Ekonomisë, Artane Rizvanolli, ka thënë se në seancën e sotme të Kuvendit të Kosovës janë thënë të pavërteta rreth tarifave të energjisë elektrike të propozuara nga Zyra e Rregullatorit të Energjisë, shkruan Gazeta Metro.
Rizvanolli ka thënë se një nga të pavërtetat më të rënda ishin deklaratat që çmimi i energjisë po bëhet 21 cent/kËh.
Rzivanolli ka thënë se edhe nëse rriten tarifat me propozimin e ZrrE tarifa mesatare për konsumatorët shtëpiak mbetet më e ulëta në Europë.
Këtu keni postimin e saj të plotë.
“Sot në Kuvend u thanë shumë të paverteta rreth tarifave të energjisë të propozuara nga ZRrE dhe të subvencionuara nga Qeveria e Republikës së Kosovës.Një nga më të rëndat ishin deklaratat e disa deputetëve të opozitës se çmimi i energjisë po bëhet 21 cent/kËh, ngjashëm me vendet si Italia.Për hir të opinionit publik dua të përmirësoj këto të pavërteta: Në fakt, tarifa (mesatare) për konsumatorët shtëpiakë mbetet më e ulëta në Evropë, me përjashtim të Ukrainës, edhe nëse rritet tarifa në përputhje me propozimin e ZRrE dhe subvencionin e Qeverisë”, ka shkruar Rizvanolli në llogarinë e saj në Facebook
