Dy pensioniste në Skoci janë burgosur pasi u kapën me kokainë me një vlerë prej më shumë se 24,000 £ dhe 51,000 £ para cash.
Gjyshja pensioniste Helen Wright, 67 vjeçe, hyri në lojë për të ndihmuar në shlyerjen e borxhit të djalit të saj për drogën, dhe kështu rekrutoi shoqen e saj Moira Robertson, 65 vjeçe, duke përdorur shtëpinë e kësaj të fundit në Ballieston, Glasgow, si bazë për të ruajtur sasinë e lëndës narkotike.
Policia bastisi pronën në qershor të 2019, duke sekuestruar dhjetëra mijëra paund cash, 553 gramë kokainë, e cila kishte një vlerë rruge prej 21,780 £, peshore dhe çanta polietileni.
Pasi u arrestuan, të dyja, Wright dhe Robertson u deklaruan fajtore në Gjykatën e Glasgow për furnizim me kokainë. Në dënimin e dhënë sot (e martë 18 janar), Wright u dënua me 20 muaj ndërsa Robertson u burgos me 18 muaj, raporton Glasgow Live.