Një këmbësor ka mbet i lënduar, pasi që është goditur nga një veturë në mëngjesin e sotëm, në rrugën Ferizaj-Prishtinë.
Lajmin për Front Online e ka konfirmuar zëdhënësja e Policisë për rajonin e Prishtinës, Flora Ahmeti, e cila tha se këmbësori nga plagët e marra është dërguar për tretman mjekësor.
“Rreth orës 08:30, në rrugën Ferizaj-Prishtinë, ka ndodhur një aksident trafiku ku janë përfshirë një automjet në levizje dhe një këmbësor. Si pasoj e aksidentit lëndime trupore ka pësuar këmbësori i cili është dërguar për tretman mjekësor, ndëkohë që me rastin po merret njësiti i trafikut”, tha Ahmeti për Front Online.
