Policia e Kosovës ka arrestuar një 30-vjeçar pasi dyshohet se nënë kërcënimin e armës ka kryer një grabitjeje sot në rrugën “Fehmi Lladrovci” në Fushë Kosovë.
I dyshuari i ka grabitur një personi një shumë parash dhe një telefon, raporton Sinjali.
“Ka qenë reagimi i shpejtë, i njësiteve të Fushë Kosovës dhe Njësitit të Hetimeve të Përgjithshme të Prishtinës, që kanë mundësuar identifiikimin dhe arrestimin e personit të dyshuar, të cilit i janë gjetë dhe sekuestruar: një telefon dhe një shumë e parave”, thuhet në njoftimin e PK-së.
Pas intervistimit, me vendim të prokurorit i dyshuari është dërguar në mbajtje.