Ramiz Lladrovci dhe Sami Lushtaku si duket i kanë rregulluar raportet mes tyre, pasi së fundi janë takuar në zyrën e Fadil Nurës, kryetarit aktual të Skenderajt, shkruan Gazeta Metro.
Fadil Nura ka njoftuar përmes Facerbook se bashkë me nënkryetarin Sami Lushtaku, kanë pritur në takim tre zyrtarë të PDK-së, Vlora Çitakun, Ramiz Lladrovcin dhe Abelard Tahirin.
Sipas Nurës në këtë takim kanë diskutuar shumë hapur rreth bashkëpunimit mes dy komunave tona, nëpërmjet projekteve që do të realizojmë gjatë mandateve të tyre.
Ky është shkrimi i plotë i Nurës:
Mirëpritëm bashkë me nënkryetarin Sami Lushtaku në një takim shumë miqësor Vlora Çitaku si nënkryetare e parë e Partisë Demokratike të Kosovës, kryetarin e Komunës së Drenasit, Ramiz Lladrovci dhe deputetin e Parlamentit të Kosovës, Abelard Tahiri, për të diskutuar shumë hapur rreth bashkëpunimit mes dy komunave tona, nëpërmjet projekteve që do të realizojmë gjatë mandateve tona, në shumë fusha në të mirë të qytetarëve tanë dhe zhvillimit të gjithmbarshëm.Këtu është Drenicë!
Kujtojmë, që PDK në Skenderaj nuk doli publikisht në përkrahje të Ramiz Lladrovcit pasi ky shkoi në balotazh përball Driton Ajazit – ish-zyrtar i PDK-së, në zgjedhjet lokale të 2021-ës. Madje, edhe vetë Lladrovci i kishte kërkuar përkrahje publikisht Fadil Nurës dhe Sami Lushtakut
