Prandaj është egërsuar Sali Berisha pas 9 shtatorit, sepse e kuptoi qartë e përfundimisht, që Lulzim Basha i pozicinuar hapur në linjën politike të SHBA, jo vetëm e përzuri “babën non grata”, por dhe i rrëmbeu “shtëpinë që e kishte pronë private”, në të cilin deri tani nuk ka patur dyer të blinduara, sepse kjo parti ishte e “blinduar” me sundimin e frikshëm familjar e klanor të Sali Berishës, krijuar tipikisht si “bajrak”, ku dëgjohej vetëm “amim”, nga hija e frikës së dajakut që kanë lënë në PD Izetrat, Shabanët, Lushajt, Kuliçajt e Breçanët
Për të përligjur kaosin 5 mujor për uzurpimin e selisë së PD dhe sulmin shkatërrues ndaj saj më 8 janar, Sali Berisha vazhdon të thotë, se “PD është shtëpi e lirisë dhe nuk mund të mbahet peng, të përdoret si pronë e kryetarit e t’i blindohen dyert”.
Parimisht ka të drejtë, por referuar historikut së kësaj partie, rezulton se nga 12 dhjetori 1990 kur PD-në e ka marrë në dorë Sali Berisha e deri më 9 shtator 2021, ditën kur trashgimtari i “fronit” Lulzim Basha e përzuri nga grupi parlamentar, kjo parti ka qenë “sarajet” e familjes “non grata”.
Në asnjë moment, nuk është pranuar liri mendimi, fjalë, inicativë veprimi e vendimi as nga strukturat e figurat qendrore, përveç mendjes, urdhërave e vendimeve personale të Sali Berishës, mbështetur në interesat e sundimit të familjes dhe klaneve të tij mafioze.
Faktet kanë treguar, se ata që guxuan ta kundërshtonin Berishën, janë nxjerrë nga kjo “Shtëpi lirie” me denigrime, shkarkime, përjashtime, kërcënime e dajak “të fortësh”, disa si Tritani, Pollo, Imami, Ruli etj., të rikthyer me lëpirje në këmbët e tij.
Sepse “beu” i vetëm i “shtëpisë” ishte Saliu, i cili e kishte krijuar dhe ngulitur frikshëm këtë bindje në mendjen dhe sjelljen e vartësve e deri te anëtari i fundit, me provat e shumë intrigave dhe dhunës ndaj ish-themeluesve.
Mbështetur në grupe kriminale, Sali Berisha pati aq sukses në spostime e eleminime njerëzish me mend e rivalësh potencialë, sa e bëri “kanun” goditjen e çdo mendimi e veprimi ndryshe, duke krijuar sundim e zotërim total personal të kësaj partie si pronë private.
Deri më 2013-ën, PD-ja, të cilën i përjashtuari “non grata” e quan “Shtëpia e lirisë”, nuk ka patur dyer të blinduara, sepse kjo seli e parti ishte e “blinduar” me pushtet-sundimin e frikshëm familjar e klanor të Sali Berishës, krijuar tipikisht si “bajrak” ku dëgjohej vetëm “amim”.
Në këtë seli nuk kishte dyer të blinduara, sepse me shumë akte dhune të përdorura nga Izetrat, Lushajt, Kuliçajt e Breçanët kundër atyre që dilnin kundër, Sali Berisha kishte krijuar hijen dajakut të tyre në portën dhe oborrin e PD.
Edhe në 8 vitet e Lulzim Bashës, ky kryetar “Barbi” kishte vetëm firmën e vulën, sepse “mendja” e komandimit dhe sundimit në PD ishte vetë dhe vetëm Sali Berisha, duke mos lejuar asnjë vendim personal të Bashës apo strukturave të partisë.
Prej Berishës e kopjoi Lulzim Basha, sundimin personal në PD, dhe prej tij mësoi dhe zbatoi intrigat e kuvendeve me rivalë kukulla e fitore 90% të votave, por dhe skenarët e përjashtimeve, siç ia bëri grupit “Patozi-Imami” më 2017-ën dhe vetë Sali Berishës pas 8 janarit.
Prandaj është egërsuar Sali Berisha pas 9 shtatorit, sepse e kuptoi qartë, që Lulzim Basha i futur në linjën politike të SHBA, jo vetëm e braktisi “babën non grata”, por edhe e përzuri e i mori “shtëpinë” me një copë letër përjashtimi.
Duke e dëgjuar plakun “non grata”, që ulërinë e sulmon për të ri-marrë PD në thirrjen: “Të çlirojmë shtëpinë e lirisë”, duhet kuptuar se PD-në, ai e quan vilë të Zenit, Argitës e Lirisë.
Sepse në 30 vjet, PD-në e ka konceptuar e trajtuar si vilë personale; vartësit dhe strukturat i ka përdorur si maskë për vendimet gjoja kolegjiale, siç po përdor grupin e ri-themelimnit, ndërsa anëtarët i ka përdorur si vota pushteti, si “ushtri” protestash e kamikazë interesash personale, siç përdori turmën e paguar më 8 janar./Pamfleti
