Numri i viktimave nga trazirat që kanë pushtuar Kazakistanin ka pësuar një rritje të ndjeshme ku sipas Ministrisë së Shëndetësisë në vend kanë humbur jetën 164 persona. Në protestat që kanë tronditur vendin gjatë javës së shkuar është vënë re një rritje e konsiderueshme e viktimave nga raportimet e mëparshme ku bëhet me dije se tre nga të vrarët janë minorenë dhe ku mes tyre një vajze 4-vjeçare.
Këtë të diel autoritetet kazake thanë se disa policë mbetën të vrare dhe rreth 1300 oficerë sigurie u plagosën. Ministria e Shëndetësisë në vend raportoi më herët se 2200 njerëz kërkuan ndihmë për trajtimin e lëndimeve nga protesta.
Situata duket e stabilizuar dhe qetësia është kthyer në qytetin Almati që ka përjetuar trazirat më të mëdha. Operacionet anti-terroriste vijojnë për të rivendosur rendin në vend. Ministri i Brendshëm në Kazakistan ka thënë se numri i te arrestuarve ka shkuar ne mbi 5800 persona ku po kryhen rreth 125 hetime te ndryshme. Ai ka thënë më tej se dëmi ekonomike i shkaktuar nga trazirat dhe dhuna shkon në rreth 175 milionë Euro. Në vend janë grabitur mbi 100 degë të bankave të ndryshme dhe 400 automjete janë shkatërruar plotësisht.
