Sali Berisha së bashku me anëtarë të Komisionit të Rithemelimit shkuan një ditë pas protestës në selinë e PD-së. Ata paralajmëruan për një konferencë me mediat dhe për këtë Berisha preferoi që të rikthehej në seli për të denoncuar arrestimet e kryera nga policia.
Berisha pas denoncime pyet se kur do të mbahet protesta e radhës. Duke mos dhënë një datë të saktë, Berisha u shpreh se asgjë nuk e ndal revolucionin e nisur për marrjen e PD-së dhe kthimin e demokratëve në shtëpi.
"Protesta e radhës do të mbahet, gjithçka do të jetë në interesin e tyre dhe kur do të jetë koha e përshtatshme. Ata që mendojnë ose pranojnë për kryetar të PD-së, kryetarin e emëruar nga Edi Rama me policë, bëjnë një akt destabilizues ndaj Shqipërisë, se ai nuk mund të kalojë dhe nuk mund të pranohet. Ne kemi ndjekur në mënyrën më rigoroze, rregullat dhe zbatuar ligjet, ju e patë asnjë gurë i vetëm nuk u gjuajt ndaj narkopolicisë, pavarësisht nga sjellja shtazore e saj, nga sasia shumë e herë palejueshme e gazit që përdori. Revolucioni nuk ndalet", tha Berisha.
Ai e ka cilësuar Bashën si armikun më te egër pasi sulmoi demokratët me gaz toksik, ndaj u tërhoqën nga protesta e djeshme,.
"Ishte thjeshte fare, gazi që hodhën në sasira toksike, njerëzit ishin të shtrira në anët e Lanës, si skena krimi. Ka një tërheqje se është përdorur një lëndë kimike toksike. Unë isha këtu vazhdova, hodhën gaz direkt tek unë, kjo më motivon akoma më shumë që revolucioni të triumfojë", tha Berisha.
