Kandidati i Lëvizjes Vetëvendosje për kryetar të Gjilanit, Alban Hyseni, i cili i fitoj zgjedhjet lokale duke e mundur Lutfi Hazirin e nga radhët e LDK’së, ka zgjedhur që në si partner në koalicion ta ketë Partinë Demokratike të Kosovës, por si duket jo të gjithëve në VV, u ka pëlqyer ky vendim, përcjellë Gazeta Metro.
Kryetari i Gjilanit, Albert Hyseni, përkundër kundërthënieve në mes të VV’së dhe PDK’së ka zgjedhur që të hy në koalicion me këtë të fundit.
Hyseni në një deklaratë tha, se tash për tash, pasi VV’ja i fitoi zgjedhjet në Gjilan, ndryshimin mund ta bëjë edhe me PDK’në në koalicion.
“Me PDK-në që ka qeverisur me Gjilanin më herët… pra PDK edhe për nga koha e qeverisjes, s’po them që mund të shfajësohet ose s’po them që po dua ta amnistoj, për ato gabime që i ka bërë në të kaluarën, por tash për tash, ndryshim edhe me PDK-në mund të bëjmë. Sepse fundja duke qenë dy mandate në opozitë, ata domosdoshmërish e kanë të obliguar të punojnë mirë dhe drejt”, është shprehur Hyseni.
Por kjo deklaratë nuk është se u pëlqye nga disa eksponent brenda VV’së, ndër ta po del të jetë edhe, ministrja e Drejtësisë, Albulena Haxhiu.
Fillimisht ëishte Edison Jakurti, sekretar i Forumit për Ngritje Ideo-Politike në Vetëvendosje, që dikur ushtronte edhe detyrën e zv.ministrit të Ekonomisë në Qeverinë Kurti 1, që reagoi pas deklaratës së Hysenit se “ndryshimi mund të bëhet edhe me PDK’në’’.
