Rasti i “këshilltar-analistit” Baton Haxhiu të Edi Ramës, që doli se ka marrë çeqe miliona lekë nga landfillet, tregon se agallarët dhe hyzmeqarët e mediave të futura në brekushet e klanit mafioz të pushtetit, janë “zhgrryer e qelbur” dhe në aferën e plehrave të trafikantëve Mirel Mërtiri e Klodian Zoto
Nëse SPAK filloi goditjen e mafies së plehrave qeveri-trafikantë, publikimi i pagave bëri të ditur, se cilët familjarë politikanësh, qeveritarësh, prokurorësh, gjyqtarësh dhe pronarë mediash, përlajnë miliona lekë paga e reklama nga landfillet.
Pas informacionit për çeqet milionëshe që ka marrë Baton Haxhiu e agjencia reklamuese “Focus Media”, rezulton se në “tepsinë” e plehrave është futur dhe Sandri i “TV-Klan”, nëpërmjet kunatit e kunatës së tij.
Kunati Renardo Nallbani, person me dosje penale për trafik kokaine dhe i dënuar në Itali, figuron me detyrë “Drejtor Performance Biznesi” në landfillin “Albtek Energy Shpk” të Elbasanit, me pagë mujore 3.9 milonë lekë.
Nuk është punësuar me konkurs apo si specialist mbetjesh, por si mik i Mirel Mërtirit, me të cilin ka qenë në një grup trafiku ndërkombëtar droge e femrash në Itali e të dënuar atje, por dhe anëtar i grupit të Aldo Bares.
Pronare e landfillit të Elbasanit është Stela Gugallja, gruaja e trafikantit Mirel Mërtiri, që konsiderohet “koka” e 3 landfilleve në Tiranë, Fier, Elbasan dhe i landfillit të katërt që po ndërtohet në Vlorë.
Saktësojmë, se dy shokët trafikantë Mirel Mërtiri dhe Nard Nallbani i Sandrit të “TV-Klan”, para se të bashkoheshin te landfillet, kanë krijuar e vazhdojnë dhe biznesin monopol të evadimit të dherave e mbetjeve inerte të ndërtimit.
Me këtë biznes monopol, që Rama-Veliaj ua krijuan me Vendim të Posaçëm Qeverie Nr. 575, datë 24. 06. 2015, dy trafikantët Mërtiri-Nallbani, detyrojnë bizneset të paguajnë 5000 lekë/m3 transport dherash e mbetje intertesh, përveç faturës së pranimit te landfilli i Tiranës; në të kundërt Lali Eri i gjobit me 30 milionë lekë, ose u anulon lejet e ndërtimit.
Në “tepsinë” e landfilleve është dhe kunata e Sandër Frangajt, maskuar pas ortakërisë në firmën “Edaril&Co-shpk”, me Ilza Zoton, gruaja e Klodian Zotos, ku bashkë me ta është dhe Arenc Myrtezani, dhëndri i Ritvan Bodes.
Rasti i “këshilltar” Baton Haxhiut të Edi Ramës, që doli se ka marrë çeqe miliona lekë nga landfillet, tregon se agallarët e mediave të futura në brekushet e klanit mafioz të pushtetit, janë “zhgrryer e qelbur” dhe në aferën e plehrave./Pamfleti
