Ish- deputetja e Lidhjes Demokratike të Kosovës, Doruntinë Maloku pritet të marrë një detyrë të re.
Demokracia.com mëson se Maloku pritet të emërohet drejtoreshë e Drejtorisë për Kadastër, Pronë dhe Gjeodezi në Komunën e Prishtinës dhe të menaxhojë për katër vitet e ardhshme pronat komunale.
Maloku ka qenë pjesë e Shtabit Zgjedhor të Përparim Ramës në zgjedhjet e 17 tetorit. Ajo është vajza e veprimtarit të vrarë të LDK-së, Enver Maloku. Për dy mandate ka qenë deputete e Kuvendit të Kosovës.
Të mërkurën LDK dhe PDK arritën marrëveshje për bashkëqeverisje në Komunën e Prishtinës.
Demokracia.com ka raportuar sot edhe për emrin e drejtorit të ri të Inspeksionit, që pritet të jetë ish-përfaqësuesi i LDK-së në KQZ, Florian Dushi.
Po ashtu Demokracia.com ka raportuar se me çështjet e shëndetit në Prishtinë do të merret ish-zëvendësministri i Shëndetësisë dhe infektologu i njohur, Izet Sadiku.
