Aktiviteti sizmik duket se është rritur në të gjithë rajonin, teksa prej gati një jave tashmë mijëra lëkundje sizmike janë regjistruar në ishullin e Santorinit në Greqi.
Vetëm pak minuta pas një tërmeti 4.8 ballë në Santorini, i regjistruar pak çaste më parë, një tërmet i magnitudës po 4.8 ballë është regjistruar në Siçili të Italisë.
Termet në Siçili dhe Santorini
Dy tërmetet kanë pasur vetëm 2 minuta diferencë nga njëri-tjetri, dhe ndoshta nuk kanë lidhje, megjithatë rajoni i Ballkanit, Italia e deri në Turqi janë ndër zonat më të rrezikuara nga tërmetet.
Në ishullin e Santorinit në Greqi, shkencëtarët raportojnë për rritjen e aktivitetit të vullkanit nënujor Kolombo, megjithëse sizmiologët nuk e shohin atë si shkak të tërmeteve, që deri tani i kanë kaluar 6 mijë.
