Takimet e djeshme të Kryeministrit Albin Kurti përfunduan me një bashkëbisedim me diasporën shqiptare në Poloni. Kryeministri vlerësoi përkushtimin e mërgatës dhe rolin e tyre të rëndësishëm në zhvillimin e Kosovës, raporton Metropol Magazine.
Kurti theksoi se diaspora është një hallkë kyçe në marrëdhëniet me Poloninë dhe se duhen shtuar përpjekjet për forcimin e lidhjeve dypalëshe.
Gjithashtu, Kryeministri informoi pjesëmarrësit për takimet në kuadër të Forumit të Sigurisë të Varshavës dhe bisedat e suksesshme me partnerë ndërkombëtarë. Ai e vlerësoi Poloninë si një partner të rëndësishëm, me synimin e thellimit të bashkëpunimit në fusha si ekonomia, mbrojtja dhe kultura.Metropol Magazine
