Ish-kryetari i Gjykatës Kushtetuese, Enver Hasani, thotë se serbët e Kosovës nuk mund të jenë pjesë e referendumit që Serbia planifikon ta mbajë më 16 janar.
Ai thotë se “Pakoja e Ahtisarit” nuk është referencë kur bëhet fjalë për çështje teknike.
“Pakoja e Ahtisarit nuk është në fuqi, ajo vlen si zotim i Kosovës sa i përket natyrës së sistemit juridik-kushtetues. Dmth, Kosova ka me qenë republikë, ka me qenë shtet multi-etnik. Pakoja e Ahtesarit nuk vlen për çështje juridike të të drejtave të votimit, ato janë kryer, janë integruar në Kushtetutën e Kosovës”, tha Enver Hasani.
Serbët e Kosovës, sipas Enver Hasanit, nuk mund të jenë pjesë e referendumit që organizohet nga Serbia.
“Nuk mundet serbët e Kosovës të kenë dy lojalitete për çështje të sovranitetit. Ajo mundët me ndodhë vetëm në një kohë kalimtare me një marrëveshje gjithëpërfshirëse. Por nuk mund të ketë lojalitet si standard permanent”, ka thënë Hasani nëATV./GazetaSinjali/
