Zëdhënësi i Bashkimit Evropian, Peter Stano, ka kërkuar përgjegjësi dhe llogaridhënie nga autorët e sulmit në Banjskë, një vit pas ngjarjes. Ai ka përsëritur thirrjen për ndjekje penale të personave përgjegjës dhe theksoi angazhimin e BE-së për drejtësi, shkruan metropol Magazine.
“Kosova: Një vit pas sulmit në Banjskë, Bashkimi Evropian përsërit thirrjen për ndjekjen penale të përgjegjësve dhe riafirmon përkushtimin për drejtësi dhe llogaridhënie. Kjo ngjarje është një rikujtesë për nevojën e përpjekjeve të vazhdueshme për të ruajtur sigurinë dhe për të avancuar procesin e normalizimit të marrëdhënieve midis Kosovës dhe Serbisë”, ka shkruar Stano në platformën X.
