Kreu i Partisë Demokratike Sali Berisha, ka ndenjur rreth 30 minuta në ambientet e SPAK.
Ish-kryeministrit Sali Berisha i është komunikuar akuza e korrupsionit pasiv e kryer në bashkëpunim.
Zyrtarisht sot, Berisha quhet i pandehur për çështjen e privatizimit të ish kompleksit Partizani.
Kreu i PD-së, Sali Berisha ka deklaruar se nuk do të tërhiqet nga kandidimi për kryeministër i vendit në zgjedhjet parlamentare të 2025, pavarësisht se sot (11 Shtator) u mor i pandehur nga SPAK për çështjen Partizani.
Kryedemokrati u shpreh se “pas fitores së zgjedhjeve do të ketë një garë për kryeministër, cilido që dëshiron të vijë të sfidojë Sali Berishën”.
Berisha shprehu bindjen se Partia Demokratike do t’i fitojë zgjedhjet parlamentare.
“Unë kam dhënë një përkufizim, pas fitores së zgjedhjeve do të ketë një garë për kryeministër, cilido që dëshiron të vijë të sfidojë Sali Berishën”, tha ai.
