Shqipëria mban vendin e parë të shteteve të Ballkanit në raportin e Komisionit Europian të Udhëtimeve për fluksin e turistëve në gjashtë muajt e parë të 2024.
Ky raport përfshin turistët të cilët qëndrojnë më shumë se një natë për ;pushime. Shqipëria mban vendin e parë, me një rritje prej 86% që nga viti 2019, e ndjekur nga Serbia me 48% dhe Mali i Zi me 31 për qind.
“Ja dhe klasifikimi i komisionit europian të udhëtimeve që tregon mbi bazën e fluksit të hyrjeve në vendet e europës, rritjen ose rënien e prurjeve të turistëve në secilin nga vendet, ku Shqipëria turistike konfirmohet përsëri si një histori e bukur suksesi”, shkruan Rama.
