Kryeministri i Kosovës, Albin Kurti ka deklaruar se Qeveria e Kosovës i ka shpallur organizatat “Mbrojtja Civile”, dhe “Brigata e Veriut”, si organizata terroriste dhe strukturat ilegale po mbyllen, shërbimet e tyre po zëvendësohen me shërbime të mira e të drejta të institucioneve të Kosovës.
Kurti në mbledhjen e këshillit të përgjithshëm të Lëvizjes Vetëvendosje, ka thënë se konfirmojnë angazhimin për drejtësi e cila është për paqe të qëndrueshme dhe pajtim në mes popujve.
Kryeministri Albin Kurti tha se fuqizimi i subjektivitetit të Kosovës është cak i programit qeveritar dhe punës së përditshme të tyre.
Kurti tha se nga janari u liberalizuan vizat dhe shteti më në fund ka një pasaportë për të cilin të gjithë jemi krenarë dhe po fuqizohet çdo ditë. Sipas tij, bashkë me regjimin e vizave është heq edhe regjimi i stikersave për qytetarët e Kosovës kur udhëtohet në drejtim të Serbisë
.Ai u ndal edhe te organizimi i brendshëm i Lëvizjes Vetëvendosje, duke thënë se vazhdojnë të jenë subjekti më i madh politik në Kosovë dhe jovetëm.
Kryeministri Albin Kurti shtoi se në pamundësi për të qenë në rrjedhat e strukturave organizative, dikush mund të ketë një lloj ftohje ndaj Vetëvendosjes, duke mos e parë vetën si pjesë të projektit dhe ecjes së përbashkët, andaj takimet janë të domosdoshme për mos krijimin e këtij perceptimi.
Kryeministri Kurti gjithashtu ka dënuar aktin kriminal të tentim vrasjes së ish-presidentit të Shteteve të Bashkuara të Amerikës, Donald Trump, duke i dëshiruar shërim të shpejt.
Ai tha se ka mbetur i shokuar nga tentim vrasja e ish-presidentit, Trump.
“Dhuna politike është e papranueshme, demokracia dhe paqja janë vlera dhe mënyra të drejta kudo. Qartazi jetojmë në një epokë që nuk është veçse e vështirë por edhe e rrezikshme dhe prirkëshit për këtë arsye, shteti ligjor , demokracia të jenë shumë më të fuqishme se kurrë më parë dhe të mos kenë kurrë rehati. SHBA janë miku dhe aleati jonë më i madh dhe i pazëvendësueshëm”, tha ai.
