Genc Pollo, i rreshtuar krah Sali Berishës shprehet se Lulzim Basha do përgjigjet për vendosjen e dyerve e dritareve në selinë e PD-së.
Pollo me anë të një postimi në rrjetet sociale, shkruan se montim i dyerëve dhe dritareve të blinduara është e dënueshme dhe qesharake.
Më tej ai shton se Basha dhe ish-zyrtarët e tjerë përgjegjës për këtë akt do të përgjigjen për këtë akt.
Ndër të tjera Pollo u bën thirrje demokratëve që të marrin pjesë në protestën që do të mbahet më 8 janar.
“Montimi këto ditë i portave dhe i dritareve të blinduara në katin përdhes të selisë së Partisë Demokratike është sa e dënueshme aq edhe qesharake.
Basha dhe ish zyrtarët do të përgjigjen për këtë.
Por në çdo rast selia duhet t’i kthehet organeve legjitme të PD siç kanë vendosur kuvendi dhe anëtarësia. Jo më vonë se 8 janar!
Të shtunën, 8 janar, ora 12:00 shihemi aty!!” thuhet në postimin e Pollos.
