Aktivisti nga Kosova, Rron Gjinovci ka habitur me deklaratën e tij, i cili ka thënë se është më shumë entuziast për Kroacinë sesa për Shqipërinë, para ndeshjes që do të luhet sot në orën 15:00.
Sipas tij Kroacia bën më shumë për Kosovën sesa Shqipëria.
“Më entuziast jam për Kroacinë nesër sesa për Shqipërinë, për arsye krejt politike. Më shumë bën Kroacia për neve sesa Shqipëria.
E kam gjyshen kroate, e kam edhe një arsye shtesë. Kroacia na shet armë, e lufton aktivisht Serbinë për dallim nga Shqipëria që e mbështet Serbinë.
Është vendi i parë [Shqipëria] që na ka vendos sanksione. Nuk i kuptoj kosovarët që shkojnë harxhojnë para e shqyejnë gurmazin për Shqipërinë”, ka thënë ai në emisionin “Konfront”.
Kroacia e Shqipëria përballen sot në Hamburg në ndeshjen e dytë të Grupit B. Kroacia u mposht nga Spanja, ndërsa Shqipëria nga Italia në ndeshjet e para.
