Ndryshimet e mëdha me të cilat përballet thuajse e gjithë bota, jo çdoherë janë të vështira për t’i pranuar.
Nga ndryshime të shumta të cilat janë bërë padyshim se hynë edhe zhvillimi në kuadër të automjeteve.
Vetëm brenda 10 muajve të vitit 2021 në Kosovë janë regjistruar 42 mijë e 49 automjete të reja në Kosovë.
Përgjatë kësaj kohe është bërë vazhdimi i regjistrimeve për 226 mijë e 991 automjete.
Në një përgjigje të dhënë nga Ministria e Punëve të Brendshme për lajmi.net është theksuar se në të njëjtën kohë, për nëntë muaj janë ri-regjistruar 64.945 automjete gjithsej.
Ndërsa në periudhën kohore janar-tetor 2021 në Kosovë ishin gjithsej 333 mijë e 985 automjete aktive me të drejtë qarkullimi.
Nga automjetet të cilat ishin dikur, shpesh herë të vështira për t’u përdorur tanimë gjithçka është bërë më e lehtë. Në mesin e shumë zhvillimeve hynë edhe veturat Hibdride dhe ato Elektrike.
Për të mbrojtur mjedisin duke mos lejuar ndotjen, krijimi i automjeteve Hibdride dhe ato me energji-elektrike kanë ndihmuar mjaftë shumë.
Kësisoj duke blerë eko-mallra të lira, blerësi jo vetëm që kursen paratë e tij, por edhe në çdo mënyrë të mundshme ndihmon mjedisin.
Por për dallim nga viti 2007 kur në Kosovë ishte vetëm një makinë e ngjashme e regjistruar, tashmë shifrat kanë ndryshuar me të madhe edhe tek ne.
Nga Ministria e Punëve të Brendshme kanë bërë të ditur për lajmi.net se në vitin 2007 ishte regjistruar një veturë “Hidrogjen”, e ky numër ishte rritur më tepër në vitin 2012 ku u bë regjistrimi i pesë veturave gjithsej Hibdride.
Nga viti në vit thuajse regjistrimi i këtyre veturave kishte ndryshuar.
E padyshim se rritja më e madhe e regjistrimit të tyre nisi së fundi. Në vitin 2017 ishin regjistruar 84 vetura Benzin/Hibrid, kurse 167 të tilla u regjistruan në kuadër të Ministrisë së Punëve të Brendshme në vitin 2018.
Por gjatë vitit 2020 në Kosovë u regjistruan gjithsej 303 vetura të tipit Dizel/Hibdrit dhe 398 të tjera të tipit Benzin/Hibdrid.
9 nga veturat e regjistruara përgjatë kësaj kohe ishin Benzin/Hibdrid/Elektrik, kurse 599 të tjerë Dizel/Hibdrid, duke vazhduar më pas me regjistrimin e 39 veturave të tipit Dizel/Hibdrid/Elektrik dhe një prej tyre vetëm Hibride.
Tetë nga veturat që u regjistruan në kuadër të MPB-së ishin Benzin/Elektrik, 9 të tjera Benzin/Hibdrid/Elektrik, 6 Benzinë/Elektrik, 6 Dizel/Elektrik, 39 Dizel/ Hibdrid/Elektrik, 71 Elektrik.
Duhet përkujtuar që sa i përket zhvillimit të blerjes së veturave elektrike tashmë në Kosovë ka filluar edhe shpeshtimi i mjeteve të cilat mundësojnë edhe mbushjen e tyre me “derivate”, saktësisht energji-elektrike.
Ndryshe që nga paraqitja e veturave Hibdride në treg, pothuajse të gjitha kompanitë kryesore të automjeteve filluan të zhvillojnë dhe të prodhojnë modelet e tyre unike të këtij lloji.
E gjithë kjo është e justifikuar nga modelet Hibdride të ardhshme, të plota në tregun e makinave.
Organizatat aziatike si Toyota dhe Honda u bënë pionierë të zhvillimeve të tilla.
Ndryshe makinat Hibdride mbesin mjete të tilla transporti, në të cilat agregacioni i forcës nuk ka një, por deri në dy teknologjike të përpunimit të energjisë.
