Ambasadori i Gjermanisë në Kosovë, Jorn Rohde është pajtuar me Gerald Knaus nga Iniciativa Europiane për Stabilitet, i cili i tha kryetares së Kuvendit të Serbisë, Ana Bërnabiq se është kontradiktore kur kërkon themelimin e Asociacionit të komunave me shumicë serbe dhe ndërkohë kundërshton anëtarësimin e Kosovën në Këshillin e Europës.
Knaus shkroi të shtunën se Bërnabiq po kërkon nga Kosova përmbushjen e një zotimi që nuk është i lidhur me anëtarësimin e vendit në KiE.
“Asnjë anëtari të KiE -përfshirë Serbinë- nuk iu tha kurrë se ekziston vetëm një mënyrë për t’ë’i mbrojtur të drejtat e pakicave”, shkroi ai.
Ambasadori gjerman u pajtua me këtë.
“Plotësisht dakord. Marrëveshjet e Brukselit/Ohrit kanë nevojë për zbatim të plotë. Mosbërja e kësaj dëmton procesin e dialogut”, shkroi Rohde.
Knaus tha se Bërnabiq thotë se Kosova s’guxon të anëtarësohet në KiE edhe nëse e themelon Asociacionin, duke theksuar se “ky pozicion është kontradiktor”.
“Serbia nuk mund ta injorojë një marrëveshje ku u zotua se ‘Serbia nuk do të kundërshtojë anëtarësimin e Kosovës në asnjë organizatë ndërkombëtare’ dhe pastaj të argumentojë se, për shkak të së njëjtës marrëveshje, Kosova duhet të bllokohet”, shkroi ai në “X”.
Kjo, Knaus tha se e dëmton procesin e dialogut.
Presidenti i Serbisë, Aleksandar Vuçiq dhe kryetarja e Kuvendit në Beograd, Ana Bërnabiq kanë paralajmëruar se Serbia do të dalë nga Këshilli i Europë
