Presidentja e Kosovës Vjosa Osmani dhe Ambasadori amerikan në Kosovë, Jeffrey M. Hovenier, kanë marrë pjesë në shënimin e Ditës së Presidentit amerikan.
Ky manifestim u mbajt në Prishtinë pranë statujës së Presidentit Bill Clinton.
Sot në Shtetet e Bashkuara shënohet Dita e Presidentëve, që u bë fillimisht festë kombëtare në vitin 1879 për nder të ditëlindjes së Presidentit të parë amerikan, George Washington, më 22 shkurt.
Afro një shekull më pas në vitin 1968, Kongresi miratoi një ligj sipas së cilit disa festa kombëtare nuk do të shënoheshin në data të caktuara, por të hënave duke u dhënë kështu mundësi qytetarëve të kishin tre ditë rresht pushim.
Fillimisht, Dita e Presidentëve festohej vetëm në kryeqytet, por në vitin 1885 ajo u shtri edhe në pjesën tjetër të vendit./eo
