Kryetari i Prishtinës, Përparim Rama është takuar me të dërguarin e Kryeministrit të Mbretërisë së Bashkuar për tregti në Ballkanin Perëndimor, Martin Vickers.
Rama njofton se në këtë takim është diskutuar për investimet e mundshme të Mbretërisë së Bashkuar në projekte të ndryshme, konkretisht në Lojërat Mesdhetare “Prishtina 2030”, shkruan Arbresh.info.
“U dakorduam që të organizojmë vizita për të promovuar turizmin kosovar dhe i ftova kompanitë britanike të marrin pjesë në panairin e turizmit, i cili do të mbahet me 12 – 13 prill 2024.”, ka shkruar Rama.
“Ky bashkëpunim do të forcojë lidhjet ekonomike mes vendeve tona dhe do të tërheqë investime në Prishtinë e Kosovë.”, tha ai./
