Kryeministri Edi Rama i ka uruar mirëseardhjen në Shqipëri Sekretarit Amerikan të Shtetit, Anthony Blinken gjatë takimit që po zhvillon me të rinjtë te Piramida.
Gjatë konferencë së përbashkët për shtyp, kreu i qeverisë u shpreh se "SHBA është mëse e mirëpritur në vendin tonë, ndonëse dikur diktatori Enver Hoxha “mbolli” urrejtje në zemrat e shqiptarëve."
"Unë kam lajme për ju sot, diktatori ynë për të cilën kjo piramidë u ndërtua po rrotullohet në varrin e vet sot. Ai na mësoi që t’uu urrenim ju, por sot ne ju mirëpresim.
Shumë nga pronarët e kësaj piramide do të donin të ishin këtu, por protokolli nuk i lejoi. Ata e dinë që ju nuk keni synime të këqija dhe çelësat e mbretërisë sonë janë në duar të sigurta me ju. Në emër të gjithë shqiotarëve ju uroj mirëseardhjen dhe shtëpia e shqiptari i përket zotit dhe mikut.
Ju jeni shumë të sigurt në mesin tonë. Mirësevini në Shqipëri miku im dhe ne mund të jemi aq të mëdhenj sa vendet e tjera që vizitoni ju. Ju falenderoj me gjithë zemër që jeni në mesin tonë."- u shpreh Rama.
