Në tre vjetorin e Qeverisë Kurti 2, deputetja e LDK-së Rrezarta Krasniqi përmes një postimi në Facebook është shprehur se Kosova përgjatë këtyre tre viteve ka marrë mesazhet më të rënda në historinë e saj nga ShBA-ja.
Ajo është shprehur se kjo situatë flet shumë për gjendjen shqetësuese në marrëdhëniet ndërkombëtare të vendit.
Krasniqi ka nënvizuar disa mesazhet që i konsideron si më aktuale.
- Departamenti Amerikan i Shtetit ka paralajmëruar kufizim të avokimit për Kosovën.
- Ndihmës Sekretari amerikan i Shtetit James O’Brien:
Unë nuk bëj kërcënime të vagëta publikisht. Unë do të thoja, që nëse ne nuk trajtohemi si partner, edhe ne nuk do ta trajtojmë qeverinë e Kosovës si partnere. - I dërguari special i Shteteve të Bashkuara të Amerikës për Ballkanin Perëndimor, Gabriel Escoba: Lëvizjet e njëanshme do të kenë pasoja
- Ambasadori amerikan në Kosovë, Jeffrey Hovenier: Në masën që qeveria është e përgjegjshme për gjërat që ne besojmë se janë të rëndësishme dhe të cilat besojmë se e avancojnë trajektoren evropiane dhe euro-atlantike të Kosovës, rrit partneritetin tonë. Në masën që qeveria nuk përgjigjet kjo ndikon në cilësinë e partneritetit tonë
- Në Këshillin e Sigurimit ishte hera parë që aleatët e Kosovës na kritikuan
