Avokati Spartak Ngjela i ftuar në Shqip nga Rudina Xhunga, në Dritare Tv deklaroi se qeveria e Kosovës e ka fituar Veriun, pas zgjedhjes në 4 komunat.
Zoti Ngjela theksoi se kryeministri Albin Kurti nëse do të jetë i qartë politikisht se çfarë kërkon të arrijë, duhet të marrë plotësisht Veriun.
Po ashtu shtoi se edhe në periudhën e diktaturës, edhe Enver Hoxha mund t’ia kishte dalë të fitonte Kosovën, falë negociatave që mund të bënte me krerë të tjerë komunist.
“Para blen gjithçka, krerët kanë paguar gjithçka. Janë pushtues të territoreve shqiptare, e kanë blerë gjithmonë, ku kanë pasur territore ata. Nuk kanë qenë me luftë, por e kanë shitur ata. Titua i tha Enverit po të dinte, Hoxha të bënte politikë, e merrte Kosovën por nuk ishte i sigurt për pushtetin e tij. Ajo ishte koha, se kishte ushtri, më pas nuk të linin. Krerëve komunist nuk i interesonte se kush fitonte në Kosovë, qytetarët ishin nacionalistë, do anonte djathtas.
Kurtin e ndjek, ka ngjarje që më pëlqejnë. Ka filluar problemin e kufirit në Veri, nëse ka skemën e qartë, do e marrë Veriun. Por ai e ka marrë Veriun, në zgjedhje Kurti mori komandimin. Çdo gabim ka kosto, ata u tërhoqën, nuk morën pjesë në zgjedhje. Kosova i ka të gjitha komunat. Çdo bëjë Kurti dhe sa kapacitet ka për të fituar gjithçka, këtë duhet ta shohim”, tha zoti Ngjela./M.K-dritare.net
