Pas vetëvrasjes së 27-vjeçares në Kamëz, ka reaguar edhe tezja e viktimës. Tezja e të resë, e cila i dha fund jetës pas publikimit të një foto intime në krevat, pretendon se pamjet janë ndarë nga personazhi i Tik Tok, Altin Çoku.
Po ashtu ajo pohon se e reja është vrarë, nuk është vetëhedhur nga ballkoni i banesës.
“Është një legen që ma mori gocën në qafë, i ka bërë foto. Unë jam tezja, unë e kam rritur atë gocë, ajo me ne është rritur. Nuk janë të vërteta lajmet që kanë dhënë deri tani. E vërteta është që gocën time kanë vrarë. Kanë ardhur këtu e kanë shtyrë. Ajo nuk do e kishte lënë kurrë vajzën 2-vjeçe. Atë e kanë vrarë, ai personi që është arrestuar.
Nuk e di çfarë ka ndodhur, se këto muhabete kanë ndodhur 2 ditët e fundit dhe vajza nuk m’i ka thënë. Goca do vinte te unë në Itali, ai nuk e di çfarë i bëri. Ose mori vesh që do vinte në Itali dhe e ka vrarë. Ajo nuk e ka vrarë veten dhe lajmet nuk janë të vërteta. Ajo kishte një problem me bashkëshortin dhe ishte një ndarje për momentin, ndoshta do bashkoheshin prapë”, ka treguar tezja.
