Presidenti serb, Aleksandar Vuçiq, mori sërish fjalën në fund të seancës së jashtëzakonshme në Këshillin e Sigurimit të OKB-së, ku siç duket i penguan kritikat e shteteve anëtare që ia përmendën sulmin në Banjskë dhe kërkuan që organizatorët të japin llogari.
Fillimisht foli për “thasët me para”, për Sanduloviqin dhe në fund për sulmin terrorist në Banjskë, të cilin gënjeu se e kanë dënuar.
“Kush i sjellë këta thasë, jo serbët por britanikët, në mënyrë të ligjshme. Ata bartin para tona në Kosovë. Vetëm thjesht ta dini se sa transparentë jemi. Kur flasim për pezullimin e zbatimit, nuk është aspak e vërtetë, sepse është ndaluar makina që po dërgonte para për pensione, paga dhe asistencë sociale.
Dëgjuam dhe është mirë që disa që po flisnin për jetën dhe demokracinë në Serbi dhe paralizimin e Sanduloviqit. Askush në Serbi nuk ka dëgjuar për pjesëmarrjen e tij në jetën politike në Serbi. Një herë ka marrë pjesë në zgjedhje.
Shumica e atyre vendeve që e kanë njohur Kosovën u përpoqën të gjenin justifikim për çdo gjë që ka bërë Prishtina, në bazë të një fakti më 24 shtator, që ne e kemi dënuar.”, tha Vuçiq
