Gazetari, Ermal Panduri, i ftuar në Blic Interview me Astrit Gashin ka deklaruar se Kurti ka patur vazhdimisht tërheqje nga qëndrimet sa i përket Asociacionit.
Panduri ka thënë ‘Asociacon ka’ dhe se fillimet e implementimit të marrëveshjes së Ohrit kanë filluar së zbatuari
Unë të paktën du me i besu deklaratave të tij por në fakt kemi parë tërheqje nga qëndrimet. Kemi parë tërheqje të vazhdueshme nga qëndrimet paraprake. Kemi patur deklaratë nga zv/kryeministri që Asociacioni çfarë qoftë në rast se bëhet, unë jap dorëheqje. E kemi patur deklaratën e Glauk Konjufcës “as kësi e as asi” Asociacioni. E kemi patur deklaratën se Asociacioni është Zajednicë, Zajednica është “Republika Serbe” dhe kjo e minon Republikën e Kosovës. Këto janë deklaratat e Albin Kurtit, megjithatë në intervistë në RTK ka thënë se Marrëveshja ka Asociacion. Më pas ka qenë i gatshëm ta nënshkruaj Draftin e Statutit të Asociaiconit. Asociacion ka, fillimet e implementimit të marrëveshjes së Ohrit kanë filluar së zbatuari, pra marrëveshja ka filluar së zbatuari” ka deklaruar Panduri.
Ai tutje ka thënë se Veriu po e forcon Kurtin në sondazhe sepse po luan me populizëm ndërsa veprimet e opozitës i cilëson si të ngathta.
Veriu po e forcon Kurtin në sondazhe sepse po luan me populizëm, po luan me çështjen e shtrirjes së sovranitetit, po e bën në mënyrë mjeshtrore bindjen e klasave të ndryshme të shoqërisë në Kosovë në mënyrë që fokusi të jetë mbi zhvillimet. Në fakt ne jemi duke kaluar në një çmenduri kolektive duke u marr me gjëra të cilat nuk do të duhej të ishin krejt në rregull në rast se do të ishte situata si do të duhej të ishte. Opozita i ka veprimet e ngathta, saqë kto të tjerat ‘as që po i vijnë në sy njerzve’ që po intervistohen në sondazhe nesër janë votues potencial” deklaroi Panduri.
