Krimi goditi Peqinin këtë të hënë të 27 dhjetorit, ku një i ri mbeti i vdekur pasi është qëlluar me breshëri arme. “Gazeta Panorama” ka mësuar emrin e personit që u ekzekutua në fshatin Gjoçaj.
Burimet i thanë “Panorama” se viktima është 35 vjeçari Albi Bashaliu.
Ai është vëllai i Leonard Bashaliut, i cili ndodhet në burg për një krim që ka kryer në muajin qershor të këtij viti.
Leonard Bashaliu në Qershor 2021 ka vrarë shtetasin Albert Xhahysa.
Policia tha në informacionin paraprak shpërndarë për mediat se “në rrethana ende të paqarta dyshohet se është vrarë me armë zjarri, në rrugë”.
Pas ekzekutimit, autorët i kanë djegur edhe makinën viktimës, Albi Bashaliut, të cilën e kishte të parkuar pak metra larg nga vendi ku u vra.
“Shërbimet e Policisë kanë shkuar menjëherë në vendngjarje së bashku me grupin hetimor.
Është rrethuar zona dhe vijon krehja e saj për të bërë të mundur kapjen e autorit/ëve.
Grupi hetimor nën drejtimin e Prokurorisë vijon punën për zbardhjen e rrethaneve të ngjarjes, sekuestrimin e çdo prove të mundshme materiale që shërben për identifikimin e autorëve”, tha policia.
