Rusia do të pasurojë këtë vit arsenalin e municioneve për luftën e saj në Ukrainë.
Siç bën të ditur agjencia e lajmeve Tass që citon zyrtarë të mbrojtjes, së shpejti do të nisë prodhimi i bombave të reja rrëshqitëse, “Drel”, të cilat janë në gjendje të fluturojnë në mënyrë të pavarur në një itinerar më të gjatë drejt objektivit, duke u hapur në momentin e duhur.
“Produkti ka kaluar të gjitha testet deri më tani. Grupi i parë i bombave ajrore pritet të jetë gati për 2024.”
Bombat “Drel” janë të ideuara për të shkatërruar automjetet e blinduara, stacionet e radarëve tokësore, qendrat e kontrollit të impianteve energjetike dhe sistemi raketore anti-ajrore.
Analistët ushtarakë paralajmërojnë se ato janë gjithashtu rezistente ndaj detektimit nga radarët, duke u bërë më të vështira për të shkatërruar. Burime ruse dhe perëndimore thonë se “Drel” është një lloj bombe thërrmuese, përdorimi i së cilës ndalohet në mbi 100 vende.
Ukraina e cila ka siguruar bomba thërrmuese nga Shtetet e Bashkuara po që është zotuar ti përdore me shumë kujdes, pretendon se Moska ka përdorur municione të tilla, të cilat i konsideron si ekstremisht të rrezikshme.
Ndërsa mediat kanë hedhur dritë mbi një takim sekret të mbajtur në Riad për paqen në Ukrainë, Moska deklaroi së fundmi se bisedimet mes Kievit dhe aleatëve në Arabinë Saudite nuk kishin të bënin aspak me zgjidhjen e krizës, por synonin thjesht të shërbenin si propagandë për regjimin e Zelenskit.
