Kryeministri Albin Kurti ka reaguar pas njohjes së pasaportave kosovare nga Spanja, duke thënë se atyre po u shtohet vlera.
Ai në një postim në Instagram ka shkruar se nga janari Spanja u është bashkuar shteteve të Bashkimit Evropian që e njohin pasaportën e Kosovës.
“Viti 2024 është vit i fuqizimit të pasaportës së Republikës sonë. Asaj sa vjen e po i shtohet vlera, e shtetit tonë dinjiteti. Nga janari, Spanja u është bashkuar shteteve të Bashkimit Evropian që e njohin pasaportën e Kosovës. Gëzuar!”, shkruan ai.
