Ai shprehet se atë natë ishte në punë dhe lajmin e mori nga gruaja e cila i telefonoi dhe e njoftoi se Liridona kishte vdekur.
Më tutje Liridoni tha se motra e tij dhe Naimi kanë pasur një marrëdhënie korrekte dhe nuk është ankuar asnjëherë tek familja e saj, për asnjë lloj problemi.
“Ata kanë pasur një marrëdhënie të mirë, nuk kanë pasur grindje dhe tek ne nuk është ankuar kurrë. Me familjen e Naimit nuk kemi komunikuar, fëmijët janë me familjen e Naimit dhe nuk e dinë që ka vdekur nëna. Nuk janë të informuar, nuk e di çfarë i kanë thënë. E kanë kërkuar sepse janë të lidhur me të dhe nuk flenë pa të, por duke u munduar me zor”, tha Leonardi.
Liridoni shprehet se nuk e dinë ende arsyen e këtij krimi, por mendojnë që mund të jetë sigurimi i jetës që mund të arrijë deri në 20 milion euro.
Theksojmë se sot është rivarrosur Liridona Ademaj në fshatin e saj të lindjes, pra në Rracaj.
Ajo dyshohet se është vrarë në rrethana të orkestruara, shkruan lajmi.net.
Të dyshuarit për vrasjen e saj janë burri saj Naim Murseli, Granit Plava dhe Kushtrim Kokalla.
Ajo para disa dite ishte varrosur në fshatin Cermjan, por me kërkesen e famijles ajo është rivarrosur në fshatin e saj të lindjes Rracaj./Lajmi.net/
