Në emër të Shteteve të Bashkuara të amerikës, sekretari amerikan i shtetit Antony Blinken, ka uruar pavarësinë e Shqipërisë.
Blnken ka bërë një urim të shkurtër, ku shpreh urimet për qeverinë dhe popullin e Shqipërisë.
“Në emër të Shteteve të Bashkuara të Amerikës, përgëzoj qeverinë dhe popullin e Shqipërisë dhe ju uroj një festë të gëzuar në 111-vjetorin e Pavarësisë.” thotë në mesazhin e tij, Blinken.
Kujtojmë se më herët , Ambasada e SHBA në Tiranë uroi të jgithë shqiptarët me një video të veçantë. Ambasada ka zgjedhur urimin përmes një videoje ku oficerët dhe stafi i ambasadës amerikane ka udhëtuar në qytete të ndryshme të Shqipërisë jo vetëm për të uruar, por si një mesazh për të përjetuar kulturën dhe historinë për të cilën kanë luftuar shqiptarët.
“Urime popullit shqiptar nga US Embassy Tirana në 111 vjetorin e Pavarësisë! Për të shënuar këtë ditë të veçantë, oficerët dhe stafi ynë amerikanë kanë udhëtuar në të gjithë Shqipërinë jo vetëm për të ndarë këtë mesazh, por për të përjetuar kulturën dhe historinë e larmishme për të cilën kanë luftuar kaq shumë shqiptarë gjatë gjithë historisë suaj të pasur. Gëzuar Ditën e pavarësisë! Gëzuar Shqipëri”, shkruan ambasada e SHBA në Tiranë.
