Që nga nisja e sezonit turistik, qyteti bregdetar i Lezhës ka ‘vluar’ nga pushuesit vendas dhe të huaj, mirëpo moti i keq me reshje të dendura shiu dhe stuhi që ka ‘pushtuar’ rajonin gjatë 24 orëve të fundit ka detyruar pushuesit të largohen.
Stuhi dhe reshje shiu të papritura, pas një periudhe të gjatë me temperatura shumë të larta kanë detyruar pushuesit të boshatisin plazhin e Shëngjinit, këtë fundjavë të parë të muajit gusht.
Ndërkohë që një situatë e ngjashme paraqitet në të gjithë vijën bregdetare të vendit, nga veriu në jug.
Edhe gjatë ditës së nesërme moti pritet që të jetë i paqëndrueshëm.
