Përfaqësuesi i Jashtëm i Bashkimit Europian (BE’së), Josep Borrell, sot është duke marrë pjesë në Forumin e Dubrovnikut. Në këtë forum pjesëmarrëse nga Kosova është kryediplomatja Gërvalla, ndërsa janë edhe dy emisarët Lajçak e Escobar, transmeton Gazeta Metro.
Dialogu Kosovë-Serbi ishte pjesë e bisedës në takimin e Borrellit me presidenten e Bankës Europiane për Rindërtim dhe Zhvillim (BERZH).
“Kënaqësi të takoja Odile Renaud të BERZH-it në margjinat e Forumit të Dubrovnikut. Ne diskutuam mbështetjen për Ukrainën, dialogun Beograd-Prishtinë dhe klimën e investimeve në Afrikë. Ne vazhdojmë të avancojmë bashkëpunimin BE-BERZH drejt synimeve tona të përbashkëta për të nxitur rritjen dhe zhvillimin ekonomik”, ka shkruar Borrell.
Kryediplomati europian më pas mori pjesë edhe në një panel për sigurinë në Europë.
