Një 40-vjeçar ka gjetur vdekjen pas mesnatës së djeshme në Sarandë, teksa ka qenë duke peshkuar. Policia ka njoftuar se në momentin e ngjarjes, Ardit Alikaj mbante veshur rroba polumbari.
“Sot, në orët e para të mëngjesit, në vendin e quajtur “Reparti 57”, Ksamil, është gjetur i mbytur dyshohet aksidentalisht në lumë duke peshkuar, shtetasi A. A., 40 vjeç, banues në Sarandë, i cili mbante veshur dhe rroba polumbari. Grupi hetimor vijon punën për zbardhjen e plotë të rrethanave të kësaj ngjarjeje”, njofton policia.
Ngjarja mësohet ka ndodhur rreth orës 01:00 në vendin e quajtur “Reparti 57” në Ksamil. Alikaj la qemë duke peshkuar me veshje polumbari në momentin kur dyshohet se i ka shpërthyer bombula e oksigjenit.
Trupi i tij është konstatuar nga shoku i tij i cili më pas ka njoftuar policinë.
