Policia ka identifikuar autorin e vrasjes në Kavajë, ku u ekzekutua Arian Gosa. Sipas informacioneve paraprake, dyshohet se autori është 31-vjeçari Habib Rexha.
Në lagjen nr.1 të Kavajës, rreth orës 18:30, është vrarë me një pumb në kokë 48-vjeçari, të cilit më 29 mars të këtij viti, i vranë të vëllanë, Armand Gosën.
Habib Rexha është vëllai i Altin Rexhës, i cili gjithashtu mbeti i vrarë më 29 mars në konfliktin me Armand Gosën.
Habib Rexha
Si mbetën të vrarë Altin Rexha me Armand Gosën: Për shkak të një konflikti, dy qytetarët, Armand Gosa nga Kavaja dhe Sali (Altin) Rexha nga Kukësi kanë mbetur të vrarë, pasi kanë goditur njëri-tjetrin. Rexha ka qëlluar me armë drejt Gosës, ndërsa ai e ka sulmuar me thikë.
Sipas burimeve dy viktimat kanë pasur një konflikt mes tyre edhe disa ditë më parë.
Rexha ishte me fëmijën e tij të mitur kur është sulmuar nga Gosa, i cili dyshohet se ishte i dehur. E gjithë ngjarja është parë nga fëmija e Sali Rexhës.
Ata u takuan në një lokal ku fillimisht kanë debatuar me fjalë, dhe më pas, Gosa e ka qëlluar me thikë Rexhën ndërsa ky i fundit i është kundërpërgjigjur me armë zjarri. Janë sqaruar por me tone të larta janë larguar.
Në momentin ku Rexha ka qenë duke hyrë në automjet, Gosa e ka qëlluar me thikë ndërkohë që Rexha i është kundërpërgjigjur 3 herë me armë zjarri. Rexha ka vdekur në vend ndërsa Gosa ka lëvizur rreth 30 metra dhe më pas është rrëzuar.
Priten informacione të mëtejshme.
